أمي أحن إليك
القلب يحزن والمدامع غزيره
في جوفي نارا من لهبها تبكيت
والدار ظلماء كانت أمي تنيره
يايمه وينك من دونك خلا البيت
قلبي تفطر من الفرقة المريره
أمنت بالله وبأقداره رضيت
الموت حق وكلنا له مصيره
وموت النبي قبلك يايمه تعزيت
هذا جلالك وريحك في عبيره
كل يوم أشمه عطرا مالي البيت
صوتك يايمه ما أحلى أثيره
لحضنك يمه اشتقت وبكيت
يايمه من هو لأجيله وأستشيره
يعدلني لاشفت الصواب وتنحيت
يايمه الكل يناظر لي بحيره
من يوم رحلتي وأنا اللي ماتواسيت
ياكم تعلم من معاني غزيره
يامنهل التعليم منك تربيت
كم قصة قلتي وللماضي نسيره
ولاجيت عندك بحنانك تدفيت
آآآآآه يايمه لنظراتي الأخيره
ما انساها طول ما حييت
أبشري يمه بدعوات كثيره
كل ماذكرتك لرحمن صليت
آخر تعديل فرحة مسلمة يوم 07-12-2010 في 04:55 PM.
|