الخيمة العربية للحوار - عرض مشاركة واحدة

فرحة مسلمة · 08-01-2010, 11:58 AM

أحلى مافي هذه الحياه .. مرحله من غير هم .. كنـّا دايم نبتسم ..كنـّا حتى لو بكينا ..
وجارت الدنيا علينا بعد لحظـات وثواني .... بسمه فينا ترتسم ..

ليت القلوب كلها قلوب أطفــال

مرّت سنين وكبرت ..... صار همّي اليوم أكبر ...

حتى دمعي صار أكثر..

ليتني طفلــة أكبر همومي لعبتي

ياليت الزمن يرجع ورى ولا الليالي تدور ..
ويرجع وقتنا الأول وننعم في بساطتنا ..
صغـار قلوبنا بيضاء نعيش بعالم محصور
ولانعرف أبد أغراب ماغير عيال حـارتنا ..
صحيح الصغار بالتفكير ولكن ماعلينا قصور..
نخطط نكسر اللعبه وتسعدنا شقاوتنا ..
نروح للمدرسه بدري ونضحك داخل الطابور
نحاول نزعج العالم في روحتنا وجيتنا
وعلشان نأخر الحصه نخبي علبة الطبشور
.نشاغب بس في الآخـر تميزنــا برائتنـــــا ..
نحب الضحك والهيصه نحب نط فوق السـور
نفرفش ليه مـانفرفش مدام الضحك عـادتنا

ولكن.......

دارت الأيـام وبان الخـافي المستور
وصـار الهم متعلي على قمــة سعـادتنــا
كبـرنا وصار الدنيـا تصف أحزاننــا بدور
وتهدينا الألم والهم غصب عن عين رغبتنا ..
تعبنا من بلاوينا أحد ضيّــق وأحد مقهور
وكلن غـارق بهمه .. وبالآخــر تشتنا
وأنـا مـا اقول غير إلا يـا ليت أن الزمـــــــان يدور ... *

ياليت الزمـان يدور .. ونرجع مثل مـاكنـا أطفـال ..
لاهم .. ولا حـزن ..
اكثر شي يفرحني .. اني لاشفت الأطفـال وشفت ضحكتهم .. اللي تسر الخاطر
والفرحه اللي بعيونهم .. ابتسم غصب عني ..
وأنسى الدنيـا وبلاويهـا ..بشوفتهم ..

برئتهم .. عفويتهم تحببنا فيهم ..
من كثر حبي لهم حبيت انكم تشاركوني ..
واكيد مـاراح تردوني
أي موقف مر عليك مع طفل ؟!
اي صوره لطفل يزنن ؟!
لاتبخــــــل علينـا ..

إحصائية مشاركات » فرحة مسلمة
عدد المواضيـع :	592
عدد الـــــــردود :	6338
المجمــــــــــوع :	6,930