تحدني الدنيا على غير ماود
_____________________ واطيعها لاشك ماهو بودي
امشي بدربٍ باين بآخره سد
_____________________ واقول ياربي عساني اعدي
دربٍ به العثرات ماهيب تنعد
_____________________ كم جيت اعددهن وضيعت عدي
عندي طموح وهمتي مالها حد
_____________________ واعرف قدري عند ربعي وندي
والمزح اعرفه زين واميز الجد
_____________________ وثوب الحياة افصله دوم قدي
مير ان وضعي صار به عدة عقد
_____________________ متحيرٍ مابين جزري ومدي
حظي وقف لي وقفة الند / للند
_____________________ ومن كثر ما عانيت بيحت سدي
ما عاد لي حيله / ولا عاد باليد
_____________________ والعمر يتعدى / ولا عاد يمدي
يالله عساها تفرج ونارد العد
_____________________ ويصير صاحب من وقف قبل ضدي
تحدني الدنيا على ضيقتي حد
_____________________ واطيعها لاشك / ماهو بيدي !!