قلت بعد اذنك بتابع موجـز النشـرة =..كوكب الأرض بخطر والغافليـن كثـار
المدى من كل صوب حروب مستعـرة=والمشاعر صاخبة بين الغضب والثـار
امنحيني نصف ساعة صمت ياالمُهـرة=نصف ساعة أو أقل ، أباسمع الأخبار !
بي وجع ماهو طبيعي بي تعب ، خدرّة=منتهي مانيـب يـمّ الطـار والمزمـار
قالت إنسى قلت لا ، أنـا ولـد حُـرّة=ماخلقني خالق الكون العظيـم (حمـار)
ولو نسيـت يفـور دم محمّـد الـدُرّة=في وريدي ، وأشتعل وآصير له تذكـار
صعب أصم اذني وأغض البال والنظره=النبي وصّى على الأقصى وسابع جـار
قالت إقسى ، قلت كم حاولت من مـرّة=وكل مرّة كنت ألين أكثر وأصير أشعار!
وش أسوي ولا بكفـي غيـر هالزفـرة=أنغبن، وآصير زفرة شجب وإستنكـار
يوووه لو تدرين كم فيني مـن الحسـرة=العيون تشوف ، لكن اليديـن قصـار !
كل ما كبـر منـادي طاحـت العبـرة=وكل ماكبـر ضميـرى قلـت ياستـار
إستشاطت بنت قلبي وغصّت النبـرة=..وانطفت ، وأدرى تغار ولو عليْ غبار!!
قالت اختر بين قربي وبيـن هالنشـرة=قلت ودي بالخبر،، أما البنـات كثـار !
صــــــالح الشادي