علّموه إني على عهد الهوى
باقي مادام في عمري مـــدد
ياحبيبي لو يطــول بك الــنوى
والله اني أصبر على رجوى العهد
حبك اللّي من على القلب التوى
جيت "ابا"افكّه ولكن انــــعقد
لو نحل حالي من الحب الخوا
مالي بغيرك من الغالين أحد
الشباب اللّي من الحسن ارتوى
ماحــد مثله ملا عيـني ابــد
خلّك اللّي مالقى لجرحه دوا
ناظر بوجهه مراسيم الجهد
إن قوى فرقــاك وإلاّ ماقـوى
ماله إلا الصبر في رجوى الوعد