مساجلة بالشعر النبطي ( شاركونا ) ...!!

النبع الصافي · 06-25-2010, 04:00 AM

يقول تركي الميزاني

كم لي وأنا أصد عن هجرك ومتغاضي
وأضحك لو إن الشقا والحزن في عيني

أصبحت في نظرتي ذكرى من الماضي
وقطعت حبل العلاقة بينك وبيني

غــيــث · 07-03-2010, 03:12 AM

يا هم وش فيك لاحقني على البسمه ؟
ما كنّي إلا ذابح بيّك وجدّك ؟

النسمه حتى وهي يا كودها نسمه
لا جات يمي تمد بوجهها خدّك

أحمده ربي بإن الموت ذا قسمه
ما عشت ساعه لو انه كان في يدّك

بريق الماس · 07-11-2010, 11:38 PM

كتبت الشعر من شان خاطر عيــــونـــه
لولاه حتـــى طــاري الشـــعر مــابيــــه

جــذع الشجـر وش كـان لولا غـــصــونــه
هـو روح شعـري وامنياتـه ومـاضـــيــه

غــيــث · 09-22-2010, 07:47 AM

هلا بك .. هي هلا اللي قالها الصايم ليوم العيد
هلا بك .. هي هلا اللّي قالها للغيث هالوادي

هلا بك .. هي هلا اللّي قالها يعقوب بالتنهيد
ليوسف يوم عاد..و عاد شوفه. و أنكف الغادي

هلا بك .. كثر ما أمّنت خايف .. أو رعبت مكيد
هلا بك يا عـدو همومنا .. وهـلال الأعيادي

تصاغرت الهلا .. من كبر قدرك .. و اعذر الترديد
لأنك شامخ مثل الجبل .. له بالصـدى حادي

ربيـــــع · 09-22-2010, 05:10 PM

يا ليل خبّرني عن امر المعاناةْ
هي من صميم الذّات و الاّ اجنبيّهْ
هي هاجسٍ يسهرْ عيوني و لا باتْ
أو خفقةٍ تجمح بقلبي عصيّهْ
أو صرخةٍ تمرّدت فوق الاصْواتْ
أو ونّةٍ وسط الضّماير خفيّهْ
أو عبرةٍ تعلّقت بين نظراتْ
أو الدّموع اللّي تسابق هميّهْ
أعاني السّاعه و اعاني مسافاتْ
و اعاني رْياح الزّمان العتيّهْ
و اصوّرْ معاناتي حروف و ابياتْ
يلْقَى بها راعي الولَعْ جاذبيّهْ
و لاني بْندمانٍ علَى كل ما فاتْ
أخذتْ من حلو الزّمان و رديّهْ
هذي حياتي عشتها كيفما جاتْ
آخذْ من ايّامي و اردّ العطيّهْ

الحنيــن · 09-23-2010, 02:26 AM

هروبي عن الواقع حسبته بيفرحني
وصمتي صدمني لين نفسي معي فاقت

سكون المكان وزفرة انفاس تجرحني
أحس الجهات الاربعه كلها ضاقت

النبع الصافي · 09-23-2010, 08:32 PM

تركني وارتحل ياطول ليلي == تركني وارتحل ظبي العدامه
نوى المرواح مصحوب السلامه == بعد ما وهق القلب بغرامه

ربيـــــع · 09-23-2010, 10:41 PM

هم مايوجع سوى قلب مهموم ..
دم صب من الغيوم..
كان وجه الوسم سحابتين ورسم..
وتفاحة الذنب العظيم..
ذنب عظيم..

ارسميها ..اقسميها بين انامل جدي العود السقيم..

ذنب عاقبني ..
وعين يكحلها الحسد كانت تراقبني ..

النبع الصافي · 10-18-2010, 04:31 PM

يالايمي ياعل مالك عراوي * * * بلاه ما ولعك بالحب حليـاه

مهرة اصيلة · 10-18-2010, 04:34 PM

لي قلب محد هز عرشه ولا جاه
و محد تجرأ يطّلع في كتابه

كم مر من عنده حبايب بدنياه
و كم واحد ينثر لقلبي اعجابه

لكن قلبي محد من الناس أغراه
كل الوجوه اللي تمره تشابه

الا واحد كل ما قلت أبنساه
أحس له وحشه و قدر و مهابه

مساجلة بالشعر النبطي ( شاركونا ) ...!!

خيمة بوح الخاطر