مختارات من شعر خلــف المشعــــان !!

يسعد مسا اللي هيضتني معانيه
.............................. بعض المعاني يوم تطلع هوادي
.
دارت دواير هاجسي من هواديه
.............................. من بعد ماسطح البحر كان هاادي
.
ماكل من يكتب قصيده اجاريه
.............................. ولا كل صوتٍ يستحق ارتدادي
.
لا شك ابوتركي عسى الله يعافيه
.............................. وافق مراده بالقصيده مرادي
.
لو كنت ماني بالقصايد حواليه
.............................. ابجتهد والله يخلف اجتهاادي
.
((لبيه))..لو ماهو لنا قول ((لبيه))
............................. اقولها .. ماهو عليها اعتمادي
.
هذا القصيد اللي تهزك قوافيه
.............................. ما رتبه في وصف هند وهناادي
.
يشكي لربه ويتضرع ويدعيه
.............................. وينادي اللي يسمعون المناادي
.
صوته جذبني واعجبتني مساعيه
.............................. وسليت سيفي قبل اوازن شدادي
.
ياعارضٍ قلبك للاسواق وشفيه
.............................. بياض قلبك ما اذكرو به سوادي
.
قلبٍ ملاه الطيب ما ينصخى فيه
.............................. ياكم عجز من زود طيبه يعادي
.
وش عاد لو قالو بليا تشااابيه
.............................. طيبك بعيني فوق طيب المهادي
.
لو يزعِلك وضع الزمان ومواريه
.............................. راعي المبادي ما يكب المبادي
.
والله لو تدري عن اللي مخبيه
.............................. همٍ حبسته بالضلوع انفراادي
.
ما كل هم اليا تضايقت تشكيه
.............................. احيان به شيِ على شي بادي
.
كل شي يكشف عن عيوبه تواليه
.............................. لو لا المدى ما كان صار التمادي
.
شيٍ يعدى حاول انك تعديه
.............................. خلك مثل ماقالو الربع عااادي

البارحه رحت .. اتقضى من .. السوق
// .. هل رمضان ورحت اجيب المقاضي
لقيت لي واحد .. من الربع مطفوق
// .. اسمه اذا ماني بغلطان .. راضي
سلم علي .. وصار يطلبني .. حقوق
// .. تقول انا مذنب وهالأخ .. قاضي
جلس يسمعني .. من الشعر .. طاروق
// .. وانا ورايه شغل .. مانيب فاضي
يقول هذا البيت : .. ماهو بمسرووق
// .. " يانوض قلبي نوض براق ناضي " ؟
حاولت اجيه بذوق .. مافاد به .. ذوق
// .. ولا فاد به .. تلميحتي واعتراضي
قلت العفو !! ياخوك انا الحين مزنوق
// .. والشعر كله .. صارلي فعل ماضي
صدري على وجه الشهر صار به ضوق
.. // .. رغم ان خلقي .. كان جداً رياضي
الا انه اجبرني .. اخلي له .. السوق
// .. جانا رمضان ولا شريت المقاضي

قبـل الفطـور بربـع ساعـه اتخبـرون
// .. كلٍ .. ببيته .. للفطـور .. يتولـم
وانـا تورطـت بهديفـه ,, ومجنـوون
// .. تصادموا .. والكل قـام .. يتظلـم
هذا يقـول أنـت آعَمـى مالـك عيـون
// .. وهذاك .. من هول الفجيعـه تبلـم
قدام بيتـي .. قلـت يالربـع تـدرووون
// .. تفضلـوا بعـد الفطـور .. نتكلـم
عيا الهديفـه قلـت لـه : طيـب شلـون
// .. نبقى هنا ؟؟ قال ايه ، قلـت اتحلـم
لو ننتظـر ليـن الحكومـة يمـروووون
// .. كد للإمام مـن التراويـح .. سلـم
قلت اسمعوا .. وش رايكم لو تطسووووون
// .. مدري متى .. شعب النظيم يتعلـم