 |
 |
|
|||||||
| خيمة بوح الخاطر فضاء لهمس القوافي والخواطر ، والشعر النبطي والزجل |
 |
|
|
أدوات الموضوع | انواع عرض الموضوع |
06-17-2009, 09:03 PM
|
رقم المشاركة : 1 | ||
|
|
موعــــــــد مع الدهـــــــــــشة.....!
(عــوض بن حاسوم)....... شاعر يكتب.....بمداد من لُجين.... شاعر....يسوق الحروف....في (طابور) مهيب...... يذكرنا....سيرها....بمشاة الجيوش الشيوعية..... تناغم....وتوافق.....لا تملك معه..... إلا أن.....تشخص ببصرك.... مترقباً....لهطول جديد... شاعر....كافر بالبهرجة الإعلامية....وسياسة التلميع.....والظهور بدون سبب أو جديد.... شاعر....شق طريقه بهـــــــــــــــــــــــــــــــــدوء....فانصاع له الإعلام رغم أنف أنفه. شاعر.....صفّدت لأجله (شياطين) الشعر....ووضعت في قمقم....عتيق... غطاء ذلك القمقم.....رهن بنان (بن حاسوم)... هنـــا....فقط..... سنجتمع.....حول (مائدة) حروفـــــــــه....... لحنتسيهـــا..... حرفاً...............حرفا........ 
|
||
|
|
|
|
06-17-2009, 09:06 PM
|
رقم المشاركة : 2 | ||
|
|
تباريح المدينة ولاتحزن … .. ولاتحزن .. فهذي من تباريح المدينة .. مدينة … كلما تغفو .. صدى الفاروق .. … يجتاح السكينة !! يدوّر عنبكا دمعة … .. يدور عن حزن شمعة .. يدوّر عن يتيم .. وعن غريم .. أضناه دينه.. .. مدينة .. من سنينٍ أضحت سجينة .. يروح بها الذعر .. في كل ليلة .. يروّع .. كل من دينه دليله !!.. يروّع .. من لربّه قام ليله ! يموت الفجر … في مهده … وما يلقى أبد .. أحدٍ يعينه!! مدينة من سنين بلا صباح مابين الناس مكسورة جناح ! تناظر كل يومٍ ... للبعيد و لا يطلع مع جيشه صلاح ! مدينة ملّت الصبر و سنينه وما اتبقى بها للدمع محجر تهاجر وين ؟ و إلا منين ؟ دام الذل .. مهجر و تغفو وين ؟و إلا منين ؟ دام الأرض .. خنجر مدينة ما تفارقها السكينة رغم كل الظلام اللي تعتّق في ضواحيها الحزينة .. أبا أنزف .. أو أبا أكتب … أو أبا أبكي ..
فوق هالدفتر .. عسايأضوي .....… قناديل المدينة! (عوض بن حاسوم)
|
||
|
|
|
|
06-18-2009, 03:51 PM
|
رقم المشاركة : 5 | ||
|
|
حزن البياض أنا ما اهديك شعري بس ... أنا اهديك العمر ويّاه انـــا كلّـي على بعضي فـدالك يا نظر عيني تشرَّف شعر أخـوك بطـلَّة عيونك على دنيـاه هما وبـل العفـاف وعوّدت بيـدي بسـاتيني هنيـّالـه بجيّــة مـن تدثّر بالطهر مــاطاه هـلا كثر الديار اللي غـدت ما بينـك وبيني هـلا عمري .. ضحك ثغر وبكى موق وتناثر ماه خـفـوقٍ ضيّع اسمه من غـلاك وقال : سميـني ! لفيتك نزف شعر ونـزف جرح وشمعةٍ مطفـاه ودمعـة ضـيقةٍ لي أقفت السـمّار .. تلفيـني ذبل وجه القصيد اللـي عجز يلقى أحـد يقراه وفـا حبره .. رغمحزن البيـاض وغُربة سنيـني كثر هـاك الأنين اللي على عمري يجرّ خطـاه كثر هـاك الحنين .. اللي تناثر و اندفن فيـني كثر حـزن الطريق اللي بكـاني واشتكيت شتاه أنــا أغـرب من الغُـربة كثير..ولا تلوميـني تسولف بي الدروب وكل هـمٍ مَـدّ لي يمنــاه بـراءة طفـل غـرّته الشـمال وقال دفّيـنـي أنا اللي لو كتم ضيقه .. فضح هاك الشرود أقصاه أنـــا الهوجـاس لو واريـت بابـه ما يخلّيـني مثل مـا يرتمي نـور السراج ويندثر بِـ مْــداه ! عــسى هـاك الأمل يعذر خُطاي لياجْهَلَتْ ويني خذي .. كلّي على بعضي طعون ودمعتـين و آه ولـكن لـو تناثرتـك .. أمـانه .. لا تلمّيـني !
(عوض بن حاسوم)
|
||
|
|
|
|
06-18-2009, 04:29 PM
|
رقم المشاركة : 6 | ||
|
|
حزن البياض من اجمل القصائد استمتعت جداً بتاملها.. لك كـل الشكر..
 متابعه مع روائع الشاعرعوض بن حاسوم.. 
|
||
|
|
|
|
06-19-2009, 02:20 PM
|
رقم المشاركة : 7 | ||
|
|
إهــداء...للجوري وشموع والشـامخة... الهجوس السـود تعب درب الحكي و الليل للهوجاس فلّ غطاه نخى دمعي غلاي و غطرف التذكار و أومى به ترامى لي العيون إليا انتثر صمتي و حث خطاه أجنّب درب طرفٍ لو سـؤاله ... هجّ بركابه مسـاء الجرح و عيونٍ سَهَدْها وافيٍ مـا تـاه مسـا هاك السؤال اللي انتهى طيبي على بابـه أنا لا من تفيّا لي الفضـا كدّرت ماه .. بـآه تقنّد لي الهجـوس أطياف وجهٍ و آتقهوى بـه حكي .. يا من عيونه ..حسّها ما مدّ لي يمـناه حكي ليلٍ يشوم الصبح عنه .. و تقصر ثيابـه أنا ملّيت من هرجٍ كتبني .. و ابتلـشت أقراه أنا لـولا بقايا الطيب ... هيجن ضيقي بنـابه عسى من مرّني باله .. ينوض البارق و ينصـاه عسى ما يبتسم ثغر الغمام إلا .. على أعتـابه جفل دفء الصباح ومادريت أن الفراق شـتاه و أنا ما به سوى الترحال دربٍ أعرف كتابـه تعبت أرجي مشاوير اليباس و ما تبسّم فــاه تعبت و مابقى للطيب وجه ..و يعذر أحـبابه وفيٍ يا مسـا همّي .. سنين و ما عرفت جفـاه معوّدني .. إذا ما مرّ .. وِسْع البال .. قفّا بـه وحيد و مايبعثر وحشة الغايب سـوى ذكراه غريب .. و لا انتثر ليل الشتا هـمٍّ .. تدفّا به أسج و مانسى هالضيق بابي و الهجوس شباه أثاري في الألم كل الهجوس السود تتشــابه ! (عـــوض بن حــاسوم)
|
||
|
|
|
|
06-20-2009, 12:09 AM
|
رقم المشاركة : 8 | |||
|
|
اقتباس:
شكرا لك اخي السديم ..  رائعة بالفعل ...
|
|||
|
|
|
|
06-21-2009, 01:47 PM
|
رقم المشاركة : 9 | |||
|
|
اقتباس:
وهذه....أخرى.....لتشريفك.... آه يا حلوة ! يسعد الله .. صبح .. من لوّن صباحاتي .. مودّة قـلت ..من لحظة لقيته .. وقفت أسفاري ..هنيّا بينه و بين العذارى .. و القمر ..في الحسن مدّة يا عيونٍ .. كم متّ بها .. و ياكم .. عِدت حيّا كم فديت الجُلّنار ... اللي تبسّم ... فوق خـدّه و كــم هديت شفاه دارٍ ... زفّها الخفّاق .. ريّا كلما جيت أتغلاّ ... و ألجم الشوق .. و أردّه اضحكت شطآن عينه .. و قال عنّابه : عليّا؟!  بري حالي لا انثنى قدّه و أنا اشهد من هو قدّه و ابتـسم لي ... لين ما عضيت مِ الحسرة يديّا قلبي اللي .. ميّتٍ به .. ما لقى للصبر .. شِدّة لو عيوني ... قلت .. تفدى ضحكته ذيّا و ذيّا آه يا حلوة !! .. ليا تلّ الدلع ..حكيه و مدّه ليت زوّدها كثير .. و لا .. يزوّدها ... شويّه ماقوى قلبي وصاله .. كيف لو ينوي ..بصدّه كـلما فلّ الفراق حجاج ..نزف الدمع .. عيّا كم دربٍ .. للقوافل .. لو نصاني .. ما أودّه يلتحف كتفي الهبوب ... و لا ينازعهم رديّا يا بدايات الجنون ... و منتهى كون المـودّة غِر ساقته الدروب .. و حط ترحاله هنيّا !! (عوض بن حاسوم)
|
|||
|
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
العرض العادي
|
|
.
الساعة الآن 08:51 AM.
