عــــذب الــقـصــيد وشــــوارده...!!!

غــيــث · 12-17-2011, 10:50 PM

على كثر الكلام وكثر ماقبل الكلام جروح
سكت ومالقيت الكلمتين الي علي بالي

أخاف إن قلتها ماقلتها وان قلتها بوضوح
توسدني ملامات الرفيق وشرهة الغالي

كذوبه يالهواجس اللي على الخاطر تجي وتروح
بغيت أزبن ذراها واستريح وماتهيالي

ورحت أتلي شتاتي واترجي صوتي المبحوح
تموج بي الدروب ومسند كفي على ظلالي

عسي مانتي رجايه يابروق في سماي تلوح
يشرهبني رعدها والضما بالصدر همالي

نقلت جروح ماعرفها بقلب مرهف مجروح
تنطحت البياض وسود الله وجه عذالي

غــيــث · 12-17-2011, 10:53 PM

تالـي نهـار وعاتـق الشـمـس مـذبـوح
والـوقـت لــو تـدريـن للـوقـت ذبـــاح

كن السما صوتً مـن الذعـر مبحـوح
واللـيـل خـيـلٍ ســود للـضـي تجـتـاح

وسحايـبٍ فـوق الشفـق كنـهـا قــروح
علـى جبيـنٍ مـا شكـى كثـر مـا طـاح

لاذت عصافير المسا فـي ذرا الـدوح
وتنفـس سـراج الوهـن بيـن الألــواح

حبيبتـي ضـاق الفضـا ويـن بـاروح
وأن رحت ظلم النفس للنفس مـا راح

مجروح ماهـو هـم لـو قلـت مجـروح
يالله عسى ما اصير في قلبـك جـراح

تبسـمـي بــرقٍ عـلـى ثـغـرك يـلــوح
بشـد لــه مــدام فــي العـمـر مــرواح

غزيت وجه الصبح من غير مصلوح
وانكفت دون الشمس هقـوات ورمـاح

البدر

فرحة مسلمة · 12-19-2011, 08:19 PM

يا اللي جبين الصبح من مفرقك لاح*** ليتك تركت الليل يملأ سمايه
كان الهنا ما جا حياتي .. ولا راح***ولا فقدت اليوم نورك هنايه
جرحتني يامداوي الجرح بجراح***وأنا أحسب إنك صادقٍ في دوايه
وكانك على جرح المحبين ترتاح***إرتح .. قطعت اليوم تالي رجايه
وابشر ترى روحي نست كل الأفراح***وتهدّمت تبكي عذابي معايه
جرحتني يا مالك الروح برماح***صدك .. عسى يرضيك مني شقايه

غــيــث · 12-26-2011, 09:30 PM

يموت الشجر واقف وظل الشجر ما مات
رياح الدهر تصرخ وهي تجرح جنوبـه

لك الله شجر للموت ما ترخي الهامـات
بقت وقفتك يـا رافـع الـراس مهيوبـه

شجوني لها مع وقفتك يا شجـر وقفـات
عيون النظر مع نظرة الفكر مصحوبـه

شموخ الشجر عبره لمن يفهم الشـارات
والإنسان في غفلـه والأيـام محسوبـه

أرد النظر لاشك يـا نظرتـي هيهـات
أبستوعب العبـره بالأشجـار مكتوبـه

وأنا يعتريني ضعف الإنسان و الهقـوات
أروم العزايـم يـوم و أيّـام مسلـوبـه

أبظهر عن الدنيا مع حامـل النظـرات
و أسافر عن العالم على غايـم دروبـه

و أبرسم على غيمة دروب الهوى بسمات
وأبنثر كـلام الحـب طـرب وطروبـه

و أغنّي بها سامر وأقوّم بها عرضـات
وأبترك ثرى الدنيا لمن كـان مطلوبـه

خالد الفيصل

غــيــث · 02-20-2012, 06:32 PM

مـــــــن لــــبّــــس عــيـــونـــه ظــــــــلام الــمــديــنــه
وهــــو الـفـضــول بـنـظـرتـه مـالـهــا أبــعـــاد

يــــغــــوص بــــــــأوراق الــســنــيــن الــحــزيــنـــه
ومــيــعـــاد يـــولــــد كـــــــل مــــامــــات مــيـــعـــاد

بــعــثـــر عـــلــــى درب الامــــانــــي ســنــيــنــه
تــضــحــك عــلــيـــه بـــــــلاد ويـــلــــوذ بـــبــــلاد

لـــيـــا ظـــمـــت ذكــــــراه ..يــمــطـــر حـنــيــنــه
وتـــغـــرق مـلامـحــهــم ولايــنــقـــص عـــنــــاد

ويــــــن الامـــــــل ويـــــــن الــســعـــادة وويـــنــــه
يـــــقــــــوده الـــــوقــــــت الــــــرمــــــادي ويــــنــــقــــاد

تـــلـــطـــخـــت فـــــــــــــي دم شــــــعـــــــره يــــديــــنـــــه
وصـــــــار الــــزمـــن شـاهـــد وقـــــاضـي وجـــلاّد

قــابـــل بـشــيــن الـعــمــر مــــــن دون زيـــنـــه
وهــــــو الــــــذي فــــــي مـاضـي الــــوقــــت زهــــّــاد

اعــشـــوشـــب ظــــــــلال الــمــديــنــه بــعــيــنـــه
علـمـه بشمـسـه (تـسـع) والـبـاقـي مـهــاد

يــلــمـــس عـــلــــى الــخــلـــوه بــقــايـــا ســنــيــنــه
ويـــدلـــي عـــلـــى بـــيـــر الـهــواجــيــس ورّاد

تــنــســل مــــــن ضــلــوعــه أغـــانـــي دفــيــنـــه
تـــقـــرا بـعـيـونـه..شـايـبٍ يـــنــــدب أمـــجــــاد

يــــحــــق الـــنـــظـــر يــــرفـــــع بــــعـــــزّه جــبــيــنـــه
ويـــــشــــــوف بـــــكــــــره مــثـــقـــلالـــه بــــمــــيــــلاد

تـــــرجـــــع لـــوجـــهــــه ..طـــلـــتــــه يــاســمــيــنــه
وتــرقــص عــلــى صــــدرهــ مــشــاهـيــر وأجـيـــاد

يـــــفـــــتـــــح عـــــيـــــونـــــه مـــــاتـــــحـــــدّه مـــــديـــــنــــــه
يـــــرســـــم مــــــــــن الاول لـنــظــراتــه..أبــعــاد

غــيــث · 03-01-2012, 01:46 PM

طاح العتب.. ما هيـب لحيـة مشاريـه
خـل الكـلام .. وحبـل الأعـذار طـوّه

ما راح اقول أشلون .. اوكيف .. اوليه؟
تـرى السـؤال بـدون أجابـه مـشـوّه

العذر مااات .. و مـات همـه و رااعيـه
و الجرح جف .. و جـف غيمـه و نـوّه

صاحبك ضاع الهرج مـن بيـن أشافيـه
مـا كنّـه اللـي كـان قبلـك .. مفـوّه

يجمع لـك مِـن الشعـر فاخـر معانيـه
و يمـوت عنـدك قبـل فـيـه ايتـفـوّه

ليه أنصـدم؟و تخـون قلبـي هقاويـه
و يطيح نجمـي .. و أنخـذل فـي علـوّه

أصدق مع الواحـد واحبـه .. و اثاريـه
طـوول الليـالـي معتبـرنـي عــدوّه

لا يـا بعدهـم .. و أول الغيـث تالـيـه
و أنت اتعرف قلبـي .. وخيـره وسـوّه

يمكن لو انك قلت غلطـان .. قلـت أيـه
مير البلا انـك قلـت .. ناقـص مـرّوه

قل لي متى شحيـت فـي شـي ٍأعطيـه
و قل لي متى صـارت محبتـك .. خـوّه

يصعـب علـى الرجـال يثبـت مباديـه
و ان كانه اثبت .. كيـف يثبـت سمـوّه

الله يبيحـك عـن خـطـاك وتمـاديـه
و يبيـح قلبـك عـن خطـاه و غـلـوّه

ما دام حبك خالطـه شـك .. مـا ابيـه
حب العتب و الشك .. مـا اعيـش جـوّه

ما كنّـي اللـي كـل مـا تلمـس ايديـه
يغمـرك بأحسـاس و حـنـان الأبــوّه

و ما كني اللـي كـل مـا مـر طاريـه
ضج الفضـا باسمـه .. وعكـر هـدوّه

يـا مرحبـا بالجـرح.. و الله يحيـيـه
لا صـار مـن يمنـاك والجـرح تـوّه

بعض الجروح ان صابـت القلـب تنهيـه
و بعض الجـروح .. تـزوّد القلـب قـوّه

الله كتب .. والقـوس فـي كـف باريـه
و اللي تشوفه ياأبيض الوجـه .. سـوه.

نسايم ليل · 03-18-2012, 12:08 AM

زودٍ عـلى نــاري ... تـزيـديــن ..نــاري
وش تـنـفعـك..لا قـيـل لـك..مات مقهور

دام الـلـقــا.. صدفه.. ولا هـو قراري
لــ انـتـي بـمـجـبوره..ولا ني بمجـبور

ترى الغـلا يـابـنـت ..ماهــو خـيــاري
يـشـع .. بـقـلوب المحـبـيـن ..من نور

اللـيـل.. للعاشق ..طـويــل الـمساري
اطرش/عمي / ابكم..والاشواق ديجور

ياللي علـيك اشـواق.. قـلبي ضـواري
يـا سـيـدة قـلـبـي ..من السـور..للسور

قـلـتـه..وانا عاشـق مُـحـب..إنـتـحاري
شاعر بحر..وان مِـتــ بـك جد.. معذور

شـتـاااان بـيـن السيـده ..والـجـواري
السـيـده تـمشي.. وهـن يـاقـفـن دور

الشعر ...لاعـانــق مـــداره.. مـداري
اجمع شتات الكـون... في وسط حـنـطور

والعب على كيفي.. بـحرفـه.. واماري
وانـحـَت مفاهـيمه على وجـه.. طبشور

واكـتـب عـلى بـازِلـتـهـا.. والـفـُخـاري
احـيان.. لا لـلـنـشر..واحـيان مـنـشور

شاعـر مـزاجـي...إحـترافـي. مهاري
في قمة احزاني..أجي شخص مسرور

جـيـتـك على الخط السـريـع التجاري
ماجـيـت لـكــ (.......ٍ) مع النت مسعور

ياسـيـدة.. ذاكــ الــغـلا.. والـطـواري
كـلمة افـــا ..تـهـزّنـي ..قبـل مشكور

ايه اعشقك.. إيه اعترف ..حيل شاري
قبل التقـيك ..ايـه اعترف.. دنيتي بور

انـتي عشقـتـي.. واحــد ٍ.. مـا يـداري
عند الكرامه.. يصبح الوضع محظور

ايه اعشقك ..عـشق البدو للصحاري
ايه اعشقك..لو خاطري منك مكسور

قـلـته...وانا داري... ولانــي بـ دارِي
مجـنـون..واعقـََل.. من ثمانين دكتور