عبر عن حالتك النفسية بقصيدة او بيت شعر

أنا ليا ضـاق صـدري واشتعـل جاشـي
داويـت نفـسـي مــن هـمـومٍ تناهشـهـا

وضربت لي طرقةٍ تصعب على اللاّشي
وسرّيت رجلي ومسرى الليـل ينعشهـا

ونحـرت جـوٍّ خلـيٍّ يـوحـش أوحـاشـي
صحاصـح البيـد طــبّ الـلـي يعايشـهـا

خــالٍ جنـابـه مــن العـالـم والأدبـاشـي
قفـرٍ مـربّ الوحـوش ومأمـن أوحشهـا

عشبه سـوات الحمـى ماهـوب ينّاشـي
لا راعـي البـل ولا الـشـاوي بنايشـهـا

مايقطـعـن فرجـتـه حــرار الأبـواشــي
الضمّـر اللـي وصـوف الريـم تركشهـا

مايسهجـه غيـر جيـبٍ يطـرب الماشـي
مـع واعـر الأرض وألاّ مـع مفارشـهـا

جـيـبٍ يبـعّـد عــن مْعـشّـاي مغـبـاشـي
الـلـي يـقـصّ الــدروب لـيـا تناوشـهـا

ماتسمـع مـن المكينـه غيـر وشواشـي
مـاكـنّـه ألاّ الحـيـايـا فـــي توشـوشـهـا

لا فرّ من دوس رجلـي صابـه خراشـي
فـــرّة قـطــاةٍ دويّ الـمـلـح خـارشـهــا

يطيـش مـن طيـش سوّاقـه ليـا طاشـي
نـوبٍ يخـم الخـطـوط ونــوب يقرشـهـا

أبـيـه لابــان نـجــم ونـجــم مـتـلاشـي
وشفت السويبـع مـع أخوانـه مداقشهـا

فــي ليـلـةٍ وبـلـهـا هـتّــان ورشـاشــي
وقـلايـد الـوسـم مـرخـيـتٍ مراهـشـهـا

ليـا أضمـرنّ الفحـول وجاهـن طياشـي
والأرض فـي بطنـهـا قــرّت هوايشـهـا

وراع الولع عقـب موتـه لـه تنعواشـي
طيـره علـى الـكـفّ والدنـيـا مطنّشـهـا

ماعـاد يطـري لـه ألاّ بـرق الأريـاشـي
الـلـي عـلـى شانـهـا البـيـداء يفتشـهـا

وأنـا معـي عــاريٍ مـاهـوب بخيـاشـي
لاتــلّ سـيـره عـلـى المقـفـي تفرّشـهـا

عديم وأسمه عديـمٍ مـا أسمـه شلاشـي
زرق الشـوش لالحقهـا علّـق شوشهـا

ومن لا عرف لـذّة المقنـاص ماعاشـي
ولـعـه بلـيّـا طـمـاعـه مـيــر عايـشـهـا

يسلى بها الخاطر ليـا ضـاق وانداشـي
وترتـاح بالنـوم عينـي يـوم أغلمشـهـا

ماتسمع اذني صـدى لجـلاج وهواشـي
ألاّ الـسـواري مــع الظلـمـا تخترشـهـا

يـالايـمـي خـلّـنـي بــصــدّ وانـحـاشــي
عن شوف ناسٍ ماغير تلوّي خششهـا

والله إن يبطي مع المقنـاص مطراشـي
لـيـن المنـيّـه نقـابـل وجـــه طـارشـهـا

هذا الدواء اللي يداوي حـدبٍ هشاشـي
مــن هـاجـسٍ لاتـحـرّك قــام يجرشـهـا

الغياب الموت.... دمعي....والقطاعـــة
جيت أرتبها.... بصفحة...في كتــــاب



وكل.... ما رتبتها..... في كل .. خـــآنـــه !
أغلـــط بجــرحـي .. وأراجــع بالحســآب

لــين ماصــرّح .. خفــوقـي .. فـي بيـــآنه
القطاعــه .. دمـــع .. والمــــوت .. الغياب



متصفح رائع يا راعي البل

إليــا تواضعنــا بلشنا بالاقـــزام = = = واليـا تكبرنــا مـلام ٍ علينـا
لكـن تعلمنــــا من صدوف الايام = = = من عقب جربنا ورحنا وجينا
اللاش مثل الصفر بحساب الارقام = = = حـطـه يسارك لاتحطه يمينــا

الضيق فيني والكآبه مجاليس .... ما عدت اميز عن قديمي جديده
ألين جاني الي عيونه مناعيس ... اللي اخذ قلبي وسكن في وريده


راعي الابل تقديري لك..

البارحة في مرقدي ما تهنيت .. عليّ ليلٍ صار مثل الهجادي