قصيدة طاروق الدحه لمطلق النومسي

يا محلا طاروق الدحه = لا وا فق له الصوت وبحه
صفين وحاشي ومصنع = وبيوت الشاعر ممليه
متونن تدحم بعضها = وقلوب زايل مرضها
.واصوات اسباع بتاعه = ميه ميه ميه ميه
ورث من كابر عن كابر = مخبوره والعالم خابر
دحينا للحرب من اول = واليوم الديرةمحميه
غناها عمي مع خالي = وانا اغنيها لعيالي
تاريخ وبصمة معروفة = اصلية من بطن اصلية
لعبة حرب ولعبة هيبه = ما فيها حاجة معيبه
لا والله نفخر لا قلنا= دحولي يا اهل الدحيه
ماهي لعبة هشك بشك = مصيونه عن نيات الشك
محشومة من حشمة وائل = ماهي دبكات شاميه
وانا طاريها سلاني= وقمت ارددها بلساني
ولاخذيت الا الترفه= تشبك يدّيها بيديه
تضحك وتغضغض مبسمها = والضحكة ذابت من فمها
قالتي تكفى يا مطلق = ابغى دحه شماليه
قلت الغالي يطلب غالي = قومي حوشي لي بعقالي
يالله نبدا يالله نبدا = نبدا بدايه فعليه
يا بنيه قومي غني لي = ياويلي منك يا ويلي
وانا اصفقلتس واغني = يا بنيه ميلي يا بنيه
حبيني يا ريحة جدي = تراني جيتتس متحدي
اللي عن دربي يحدونتس = اهل النيات الملويه
ابي اتفنن باوصافتس = لجل يشوفتس من لا شافتس
وصف حي وتمشي روحه = من روح الشعر وراعيه
ماني بوصف عيونتس باحل = عينك بحر ورمشك ساحل
ليا ابحرتيبي واغضيتي = تركبني مية جنيه
وخدودتس بيض ومفروشه = من ورد الجوري مرشوشه
افتح من حب الرمانه = واغمق من شمس العصريه
وشفاتس لمة حبايب = كانت فرقاهم غصايب
الفوقيه فيها معاند = والطاعه عند الحدريه
وحجاجتس مبري ومقوس = ورموشتس لرضاه تهوس
وان طار وكسر جبينتس = اغديت الحسنا بالسيه
واللي على متنتس دايم = دمه ميّ وقلبه نايم
متشيخ والشيخه جاته = لاهي ورث ولا عاريه
وان جيتي تمشين وعجله = وعيونتس بعيوني خجله
والقذله تضحك للغربي = والغربي يضحك عليه
كن القاع تعبد خطاتتس= ولا تحلف لتس بحياتتس
شيء ماقالوا لي عنه = شوفة ذي وشوفة ذيه
شفافة ذوق ولبيسه = لبستس ملبوس برنسيه
وان تلمثتي بالشيله = كنتس من اهل الشرقيه
يقلدونتس خواتتس = حتى في لبسة عباتتس
لكن قولي لي من يجمع= بين الشمس وبين الفيه
يوم الله خلقكم مفرق = ماغرب بالزين وشرق
خصه فيتس وعمه فيهن = سبحانه جزل العطيه
والحين ابغى رايتس فيها = من اولها لتاليها
عساني مرضي غرورتس = يم العيون السحريه
قالت تعرف رايي مبطي = لا تخطي تكفى لا تخطى
ما ذوبني غير اشعارك = فديت الشعر وراعيه
انا ضحية قصيدك = لكن لي شرط بجديدك
ابغى من هاليوم وطالع = تلعب دحّة شماليه